اخر الاخبار

العِدة اللي هتحتاجها لو هتعمل شغل الكهربا بنفسك

بواسطة Tools Museum
2021-02-13

العِدة اللي هتحتاجها لو هتعمل شغل الكهربا بنفسك

ذي أي تصليح أو صيانة أو توضيبات ناوي تعملها في البيت ، شغل الكهرباء محتاج أدوات متخصصة . بالنسبة لمعظم المشاريع الكهربائية السكنية ، هتستخدم في معظمها الأدوات اليدوية الأساسية اللي موجودة عندك بالفعل ، ذي الشاكوش والمتر والميزان والمفكات. في كمان بعض أدوات كهربائية متخصصة هتلاقيها متوفرة بسهولة في معظم الأسواق ومحلات الأجهزة الكهربائية و العِدد و الأدوات ومتاجر الإلكترونية وتجار التجزئة عبر الإنترنت.

متر القياس

يستخدم متر القياس لجميع أغراض قياس الأطوال في شغل الكهرباء ، ذي ضبط ارتفاعات المفاتيح والمخارج ، وتوسيط صناديق تثبيت الإضاءة ، ووضع علامات على الأسطح لمفاتيح فصل الكهرباء

1

المطرقة أو الشاكوش

تُستخدم المطرقة لتثبيت عِلب الكهرباء المجهزة بأقواس مثبتة بالأزرار على الحائط وأجزاء اللوحات الكهربائية الأخرى في المنزل. هتحتاجه كمان في تثبيت دبابيس الأسلاك عند تثبيت كابل كهربائي جديد بلوحة الكهرباء

1

ميزان المياه

ميزان مياه صغير لضبط المستويات الأفقية و الرأسية ، يتناسب بسهولة مع شنطة العِدة . الشغل الصح بيبدأ بميزان المياه. الميزان لازم يكون جزء من عِدتك ؛ لأنه هيكون ليه استخدامات كتير خارج الأعمال الكهربائية

1

كشاف إضاءة

أعمال الصيانة و التشطيبات الكهربائية تتضمن الكثير من الأماكن المظلمة ، بالذات لو هتصلح أو هتشطب أماكن مغلقة هناك حاجة إلى كشاف يدوي بقدر ما هو للسلامة و للحالات الطارئة كما هو الحال بالنسبة للراحة. كشاف إضاءة للطوارئ إضافة جيدة لصندوق العِدة الخاص بشغل الكهرباء في ال DIY.

1

سلاح تقطيع | كتر

سلاح التقطيع ، أو الكتر ، لتسهيل عملية القطع لأجزاء الكابلات غير المعدنية ، وقطع الشريط الكهربائي ، وفتح صناديق من الورق المقوى

1

مفك صليبة أو مفك فيليبس

فني الكهرباء بيحتفظ بمفكات المسامير معاه في كل الأوقات ، لإزالة وتثبيت لوحات الغطاء ، والمنافذ ، والمفاتيح ، وباقى الأجهزة الأخرى. ومن الافضل يكون عندك أطوال وأحجام مختلفة من مفكات الصليبة . يتم تصميم المفكات بمقابض عازلة لضمان أمان أفضل عند القيام بالأعمال الكهربائية

1

مفك عادة

ذى ما بتحتاج اكتر من مقاس من المفكات الصليبة بردو هتكون محتاج لاكتر من مقاس للمفكات العادة , و لو محتاج تجيب مفك واحد بس يبقا تختار مفك عادة متوسط و هيكون مناسب لمعظم الاعمال, و المفكات العادة هى كمان بيكون ليها يد معزولة للحماية اثناء الاعمال الكهربائية

1

مفك الربط السداسي | ألن كي

و ده بنستخدمه لربط المسامير اللى ليها رؤوسها سداسية , اللى اوقات بتكون موجودة فى مراوح السقف اوالكشافات او بعض الاجهزة . و هتكون مفكرة جيدة جدا و مفيدة انك تمتلك المفك السداسى و المتر .

1

الكماشة

فى اسماء كتير للكماشة زى ( محبس , زرادية عدلة ,.... ) , فى الغالب بنستخدم الكماشة فى اعمال السباكة , و ممكن كمان تحتاج للكماشة فى بعض الاعمال الكهربائية زى انك تستعمله اثناء التعامل مع علبة الكهرباء او لوحة الكهرباء او فى ربط مشابك الكابلات و التعامل مع صناديق مراوح السقف .

1

جهاز اختبار الفولت | تستر

نقدر نقول ان التيستر هو اهم عدة كهربائية بتحتاجها فى اى عمل كهربائي. و التستر هو عدة بتقدر تعرف عن طريها اذا كان فى اى تيار كهربى فى السلوك او الاجهزة الكهربائية قبل ما تبدأ العمل فيها , بيعتبر تيستر الفولت عن بعد اللى بتشتغل عن طريق البطاريات العادية هو ابسط العدد الكهربائية و اكتر الاجهزة امان بنستخدمها فى اى عمل كهربى , لان هى بتقدر تستشعر وجود تيار فى اى سلك او اى جهاز بمجرد ما تقربها من اى فتحة مهما كانت صغيرة فى السلوك. اى واحد هيحب شغل ال DIY هيكون محتاج لتيستر زى ده فى شنطة العدة بتاعته لانه هيستخدم فى كل اعمال الكهرباء المنزلية .

1

قشارة السلك

القشارة كمان بتعتبر من عدة الكهرباء الاساسية جدا لاى عمل كهربائى فى المنزل. و بنستخدم القشارة فى ازالة العازل من على الاسلاك ,الجزء العلوى من البنسة مصمم على شكل دواير مفرغة عشان تقدر تشيل العازل من على الاسلك بأحجامها المختلفة ,و احيانا بيكون ليها فك تقدر بيه تقطع نهاية الاسلاك ,, و فى بعض الانواع منها مصممة بطريقة لتجعيد السلوك او عشان تشيل العازل من على سلك محورى او متعدد الاسلاك .

1

بنسة ببوز طويل

و دى قصافة بتستخدم فى قطع الاسلاك بطريقة محترفة , لان ليهها نهاية رفيعة بتخليك تقدر توصل للسلوك فى الاماكن الضيقة . و فى بعض الانواع من القصافات الرفيعة بيكون مدمج فيها جهاز تيستر يخليك تقدر تتاكد ان الاسلاك اللى هتشتغل فيها خالية من التيار الكهربى . و انواع اخرى بيكون موجود فى الجزء العلوى من المقبض فتحات بمقاسات تخليك تقدر تشيل العازل من على الاسلاك باحجامها المختلفة . بتعتبر عدة متخصصة من المستوى الثانى , ممكن ميكونش محتاجلها بشدة اللى بيعمل شغل ال DIY , لكن اللى بيشتغلو فى اعمال كهربية كتير بيكونو محتاجين لقصافة زى دى

1

بنسة عريضة | ذرادية

و دى اداة بتعمل كل شىء فى الاعمال الكهربائية الاساسية , ليها نهاية مربعة مميزة جدا بتقدر بيها تلف الاسلاك مع بعضها و تربطها . و ليها شفرة حادة جدا بتقدر تقطع بيها الاسلاك بكل سهولة , و ليها يد معزولة و محكمة بطريقة ممتازة تقدر بيها تتعامل بسهولة فى قطع الاسلاك و شدها ,ممكن اللى بيعملو شغل ال DIY يقدرو شتغلو من غيره , لكن اللى بقومو باعمال كهربائية كتير او بصورة منتظمة هيكونو محتاجد جدا لكماشة عريضة .

1

القصافة

بتعتبر القصافة عدة كهربائية متميزة بردو ,و بتستخدم لثنى الاسلك و لفها مع بعضها , و توصيل اطراف الاسلاك ,و فى بعض الانواع منها بيكون فيها لقطع نهاية الاسلاك هى كمان .

1

سوستة شد الكابلات

و ده بتستعمله فى سحب الاسلاك من المعادن او من مواسير ال PVC بحيث بتربطه فى السلك اللى داخل الماسورة او داخل اى شىء عشان تسحب السلك للخارج, شريط السمكة بيكون مفيد جدا لما تيجى تسحب كابل ال NM من الحائط . دى عدة بتستخدم لما تيجى تعمل تعديلات على الاسلاك سواء كان بسبب تلفها او تمديدها او اى شىء اخر. بيعتبر شريط السمكة عدة متقدمة من العدد اليدوية اللى ممكن تحتاجها و تكون مفيدة بشدة لاعمال الاصلاحات الكهربية .

1

الفولتميتر او الملتيميتر

بنستخدم الفولتميتر لمعرفة مستوى الجهد و التاكد من ان الدوائر الكهربية حية او متوقفة , العدة دى متعرفك مقدار الجهد اد ايه . الانواع المتطورة من الفولتميتر ليها مميزات كتيررائعة مش بتعرف الجهد فقط لكن كمان بتقدر تقرأ الجهد الكهربى و تحدده و تقيس المقاومة و التيار المستمر , لكن مع ذلك بتحتاج وقت عشان تتعلم كيفية استخدامها بطريقة صحيحة . فى الغالب اللى بيشتغلو فى DIY و الكهربائى المحترف هما اللى بيستخدمة الفولتميتر. ممكن يكون الناس اللى بتشتغل بالعدد اليدوية فى اعمال الكهرباء على فترات ميكونوش محتاجين للعدة دى , اللى بيشتغلو بصورة مستمرة فى اعمال الكهرباء اللى بيتعاملو مع الالكترونيات و الاجهزة بتكون بالنسبالهم عدة مهمة و ضرورية جدا .

1

ذرادية الشبكات | RJ

بنستخدم زرادية الشبكات فى تجعيد الاسلاك و تقطيعها و توصيل اطراف السلوك . لو بتعمل اعمال صيانة كهربائية العادية زى الوائر مش بتكون محتاج للزرادية دى بشكل كبير , لكن ليها استخدامات و مهمة جدا و ضرورية وقت العمل فى صيانة الاجهزة الالكترونية و تجريد الاسلاك من العازل و قطعها . مش كل اللى بيعمل شغل ال DIY بيكون محتاج للعدة المتخصصة دى لانه بالفعل هيكون عنده ادوات تانية يقدر ينفذ بيها نفس الاعمال , لكن اللى بيشتغل فى الالكترونيات و الاجهزة بشكل مستمر بالطبع هيكون محتاج لعدة زى دى بشدة .

1

اخبار متعلقة

التعليقات ()

كتابة تعليق

تابعنا

تابعنا على شبكات التواصل الاجتماعي

النشرة الاخبارية

اشترك في نشرتنا الاخبارية
متحف العدة